Desire for Reunion

உள்ளக் களித்தலுங் காண மகிழ்தலுங்
கள்ளுக்கில் காமத்திற் குண்டு.

நினைத்த அளவிலேயே ஒரு களிப்பு வந்துவிடுகிறது; கண்ட அளவிலேயே ஒரு மகிழ்ச்சி வந்துவிடுகிறது. இந்த இரண்டும் கள் உண்டவர்களுக்குக் கிடைப்பதில்லை; காதல் கொண்டவர்களுக்குக் கிடைக்கின்றன.

To be elated by the mere thought of them, and gladdened by the mere sight: palm wine has neither of these. Love has both.AI draft

தினைத்துணையு மூடாமை வேண்டும் பனைத்துணையுங்
காம நிறைய வரின்.

பெண்களுக்குக் காதல் பனை மரத்தின் அளவைக் காட்டிலும் மிகுதியாக நிரம்பி வந்துவிட்டால், தாம் விரும்புகிறவரோடு ஒரு தினை விதை அளவு பிணங்கிக்கூட நிற்காமல் இருப்பது அவர்களிடம் எதிர்பார்க்கப்படுகிறது.

Not so much as a millet grain's worth of sulking should be kept, if love has come filling the measure of a palmyra.AI draft

பேணாது பெட்பவே செய்யினுங் கொண்கனைக்
காணா தமையல கண்.

நம்மை அவமதித்து, தனக்கு வேண்டியவற்றை மட்டுமே அவர் செய்தாலும், அவரைப் பார்க்காமல் என் கண்கள் அடங்கி இருப்பதில்லை.

Though he gives me no regard and does only what he himself wants, my eyes will not settle until they have seen him.AI draft

ஊடற்கண் சென்றேன்மற் றோழி யதுமறந்து
கூடற்கட் சென்றதென் னெஞ்சு.

தோழீ என்று அவள் விளிக்கிறாள். காதலரைக் காண்பதற்கு முன், அவர் செய்த தவற்றைத் தனக்குள்ளேயே நினைத்துக்கொண்டு, அவரோடு ஊடுவதற்காக நான் சென்றேன். கண்ட பிறகு, என் நெஞ்சு அதை மறந்து கூடுவதை நோக்கிச் சென்றது.

My friend, I did set out meaning to sulk with him. My heart forgot all that and went straight to being with him.AI draft

எழுதுங்காற் கோல்காணாக் கண்ணேபோற் கொண்கன்
பழிகாணேன் கண்ட விடத்து.

மை தீட்டப்படும் அந்தக் கண், மைக்கோலை முன்பெல்லாம் பார்த்திருக்கிறது. ஆனால் மை தீட்டும் அந்த நேரத்தில் மட்டும், அந்தக் கோலின் தன்மையை அதனால் பார்க்க முடிவதில்லை. அது போலவே, அவனைக் காணாத இடங்களில் எல்லாம் கொண்கனுடைய தவற்றை நான் கண்டிருக்கிறேன்; அவனைக் கண்ட இடத்தில் மட்டும் அதை என்னால் காண முடிவதில்லை.

Like the eye which has seen the kohl-stick often enough and yet cannot make it out at the moment it is being drawn along the lid — I have seen my lord's fault in every place where he was not, and where I see him, I see none.AI draft

காணுங்காற் காணேன் றவறாய காணாக்காற்
காணேன் றவறல் லவை.

தலைவனை நான் காணும்பொழுது, அவனிடம் தவறாக இருப்பவற்றை நான் காண்பதில்லை. அவனைக் காணாதபொழுதோ, அவை அல்லாத வேறு எதையும் நான் காண்பதில்லை.

When I see him, I do not see the things in him that are faults. When I do not see him, I do not see the things that are not faults.AI draft

உய்த்த லறிந்து புனல்பாய் பவரேபோற்
பொய்த்த லறிந்தென் புலந்து.

ஓடுகிற தண்ணீரில் குதித்தால் அது தன்னை இழுத்துக்கொண்டு போய்விடும் என்பது குதிப்பவர்களுக்கே தெரியும்; தெரிந்தும் அவர்கள் குதிக்கிறார்கள். அவர்களைப் போலவே, இந்த ஊடல் முடிவு வரை நிற்காது என்று தெரிந்திருந்தும் தலைவனோடு ஊடல் கொண்டேன். அதனால் அடைந்தது என்ன?

Like those who leap into running water knowing perfectly well it will carry them off: knowing the sulk would not hold, what did I gain by sulking?AI draft

இளித்தக்க வின்னா செயினுங் களித்தார்க்குக்
கள்ளற்றே கள்வநின் மார்பு.

கள்வ என்பது 'வஞ்சகா' என்று அழைப்பது. கள் என்பது தன்னைக் குடித்துக் களித்தவர்களை மற்றவர் முன் தாழ்த்துகிறது, துன்பமும் தருகிறது; அப்படியிருந்தும் அவர்கள் அதை மேலும் மேலும் விரும்புகிறார்கள். எங்களுக்கு உன் மார்பும் அத்தகையதே என்று அவள் சொல்கிறாள்.

Though it works degradation and harm on the very people it has elated, palm wine is only wanted the more. Deceiver, your chest is that to me.AI draft

மலரினு மெல்லிது காமஞ் சிலரதன்
செவ்வி தலைப்படு வார்.

காதலின் இன்பம் மலரைக் காட்டிலும் மென்மையானது. அது அவ்வளவு மென்மையானது என்பதை உணர்ந்து, அது சரியாகப் பக்குவம் அடைந்து நிற்கும் அந்தப் பொழுதில் அதைப் பெறுகிறவர்கள் உலகில் சிலரே.

Love's delight is finer than a flower. Few in the world come upon it at the one hour when it stands ready.AI draft

கண்ணிற் றுனித்தே கலங்கினாள் புல்லுத
லென்னினுந் தான்விதுப் புற்று.

முன்பு ஒரு நாள், அணைத்துக்கொள்ள வேண்டும் என்ற ஆவலோடு நான் அவளிடம் சென்றேன்; அப்போது அவள் கண்ணால் மட்டும் என்னிடம் ஒரு சிறு கோபம் காட்டினாள். ஆனால் அணைத்துக்கொள்ள எனக்கு இருந்ததைவிட அவளுக்கே அவசரம் மிகுதியாக இருந்ததால், அந்தக் கோபத்தையும் அப்போதே மறந்து அவள் என்னோடு சேர்ந்துவிட்டாள். நான் அன்று இருந்தபடியேதான் இன்றும் இருக்கிறேன்; அப்படியிருக்க, அத்தகைய அவசரம் ஏதும் இல்லாமல் இப்போது கோபித்து நிற்கும் இவள் அவள் அல்ல.

With her eyes she sulked at me, and no further than her eyes; then, in more of a hurry for the embrace than I was myself, she was shaken out of even that.AI draft